کہانی/ داستان لکھنے سے کیا مراد ہے ؟ وضاحت کریں ۔ Story

آج ہم اس پوسٹ میں داستان کی تعریف ، لغوی و اصطلاحی معنی اور مثالوں سے وضاحت کریں گے تا کہ طلبا اسے آسانی سے سمجھ سکیں ۔

سوال: کہانی سے کیا مراد ہے ؟ مثال اور وضاحت بیان کریں ۔

کہانی: کہانی کا مطلب ہے کسی واقعے ، حکایت یا قصے کو اس طرح دلچسپ انداز میں بیان کرنا کہ پڑھنے والا اس سے ذہنی اور قلبی تعلق محسوس کرے اور اس کا انجام یا نتیجہ معلوم کرنے کے لیے ایک ہی نشست میں اسے پڑھ ڈالے ۔

کہانی کی تعریف ہم ایسے بھی کر سکتے :

کہانی سننا اور سنانا انسان کی فطرت میں شامل ہے اور قصہ کہنا اور سننا زمانے قدیم سے بہ حثیت فن رائج ہے۔ اس کی تعریف ہم یوں بھی کر سکتے ہیں کہ:

“داستان اصناف نثر کی وہ طویل صنف ہے جس میں مافوق الفطرت عناصر اور دوسرے لوازمات کی مدد سے قصہ در قصہ یا داستان در داستان” کہانی بیان کی جائے۔ کہنے کی چیز کو کہانی کہتے ہیں ” ۔

داستان : داستان کے لغوی معنی قصہ ، حکایت یا کہانی کے ہیں۔

اس کو انگریزی میں story  کہتے ہیں ۔ 

ادبی اصطلاح : ادبی اصطلاح میں داستان سے مراد وہ قصہ ہے۔ جس کی فضا طلسمی،واقعات غیر معمولی، ماحول تخیلاتی، شخصیات عجیب و غریب اور مافوق الفطرت( غیر معمولی چیزیں) اس کثرت سے ہوں کہ پورا قصہ آدمی کو ورطہ حیرت( انتہائی حیرت کی حالت ) میں ڈال  دے ۔

وضاحت : کہانی لکھنا باقاعدہ ایک فن ہے اس میں انشاء پردازی کی مشق کے ساتھ ساتھ خیال کی قوت کو استعمال میں لانا اور وسعت مطالعہ بھی ضروری ہے ۔

طلبہ اگر چھوٹے چھوٹے واقعات کو اپنے الفاظ میں ہلکے پھلکے انداز میں لکھنے کی مشق کریں تو ایک عمدہ اور دلچسپ کہانی لکھ سکتے ہیں ۔

طبع زاد کہانی: طبع زاد کہانی ایسی کہانی ہوتی ہے جو آپ کی اپنی سوچ اور تخلیق  کا نتیجہ ہوتی ہے جو دوسری کہانیوں سے مختلف ہوتی ہے ان کہانیوں کی مختلف اقسام بھی ہوتی ۔

طلبہ ان عنوانات کے تحت کہانی لکھنے کی مشق کریں ۔

1۔ جیسی نیت ویسا پھل

2 ۔ مل جل کر کام کرنے کی برکات

3 ۔ جھوٹ کا انجام

4 ۔ نیکی کا بدلہ ضرور ملتا ہے

5 ۔ لالچ انسان کو رسوا کیے بغیر نہیں رہتا

 نوٹ :  امید ہے کہ آپ داستان کے بارے جان چکے ہوں گے ۔ اگر اس پوسٹ میں آپ کو کوئی غلطی نظر آئے یا اس کو مزید بہتر کیسے کیا جائے تو کومنٹس میں ہماری ضرور اصلاح فرمائیں اور اگر اس سے متعلقہ کچھ سمجھ نہ پائیں تو بھی کومنٹس کر کے پوچھ سکتے ہیں ۔

 شکریہ