مثنوی

مثنوی کی تعریف ، وضاحت اور مثال

مثنوی: مثنوی عربی لفظ” مثنیٰ ” سے ماخوذ ہے جس کے معنی ہیں ” دو ” ۔  اصطلاح میں مثنوی ایسی نظم کو کہتے ہیں جس کے ہر شعر کا قافیہ الگ ہو اور ہر شعر کے دونوں مصرعے ہم قافیہ ہوں۔  مثنوی عموماً طویل نظم ہوتی ہے ۔ اس میں منظوم انداز میں کوئی داستان ، قصہ یا کہانی بیان کی جاتی ہے۔  مثنوی چھوٹی اور آسان بحروں میں لکھی جاتی ہے۔ 

مثلآ

روش کی صفائی پہ بے اختیار

گل اشرفی نے کیا زر نثار

چمن سے بھرا باغ، گل سے چمن

کہیں نرگس و گل ، کہیں یاسمن

چمن آتش گل سے دہکا ہوا

ہوا کے سبب باغ مہکا ہوا

(میر حسن )