سلینگ

سلینگ سے کیا مراد ہے ؟ تعریف کریں ، مثالیں دیں نیز بتائیں کہ روز مرہ ہم سلینگ کو کیسے استعمال کرتے ہیں ؟ 

تعریف : کٹھ بولی یا سلینگ ایسی زبان ہے جو ان الفاظ ، محاوروں اور لفظوں کے استعمالات پر مشتمل ہے جو غیر رسمی اندراج سے تعلق رکھتے ہوں اور اسے کسی ذیلی زمرے کے افراد استعمال کرنا پسند کرتے ہیں۔ یہ معیاری زبان کی زبان زد عام لفظیات سے بہت مختلف ہوتی ہے ۔

ایک اور تعریف ملاحظہ فرمائیں ۔

تعریف :

سلینگ : کسی پیشے یا طبقے کے لوگ تبادلہ خیال کے لیے یے الفاظ کو وضعی کی بجائے کچھ اور مخصوص معنی کے لیے استعمال کرتے ہیں۔ ایسے الفاظ کو سلینگ کہا جاتا ہے۔ جیسے سیاسی وفاداری بدلنے والے کو لوٹا کہنا ، اگر کوئی بچہ نہایت ہی نازک مزاج ہو اور لاڈ پیار میں پلا بڑھا ہو تو اسے ممی ڈیڈی بچہ کہنا سلینگ کہلاتا ہے۔

 : سلینگ کا روز مرہ استعمال 

سلینگ کو ہم آپس کی گفتگو میں عام طور پر بولتے ہیں ۔ ایسا کیوں کرتے ہیں ؟ ایسا اس لیے کرتے ہیں کہ گفتگو کو مزید دل چسپ اور چٹ پٹا بنا سکیں ۔ اس کے علاوہ ایک دوسرے کو تنگ یا طعنہ و تشنیع کے لیے بھی سلینگ کا استعمال ہوتا ہے ۔ جیسا کہ کسی شہری یا سادہ لڑکے کو برگر بچہ یا ممی ڈیڈی بچہ کہ کر اسے تنگ کرنا وغیرہ ۔

سلینگ کی مزید وضاحت کے لیے اسے بھی پڑھیں: 

سلینگ الفاظ (Slang words)  ایسے غیر رسمی  الفاظ یا جملے ہوتے ہیں جو عام طور پر نوجوانوں یا مختلف معاشرتی گروہوں میں استعمال ہوتے ہیں۔ یہ الفاظ رسمی زبان میں نہیں آتے اور اکثر ان کا مطلب عام استعمال شدہ الفاظ سے مختلف ہوتا ہے۔

یہاں چند نکات ہیں جو سلینگ الفاظ کے بارے میں جاننے میں مددگار ثابت ہو سکتے ہیں:

1.غیر رسمی استعمال: سلینگ الفاظ عام طور پر غیر رسمی ماحول میں استعمال ہوتے ہیں جیسے کہ دوستوں کے درمیان بات چیت میں۔

2. علاقائی فرق: مختلف علاقوں میں مختلف سلینگ الفاظ استعمال ہو سکتے ہیں۔ ایک ہی لفظ کا مطلب مختلف علاقوں میں مختلف ہو سکتا ہے۔

3. وقت کے ساتھ تبدیلی: سلینگ الفاظ وقت کے ساتھ تبدیل ہوتے رہتے ہیں۔ جو الفاظ آج کل مشہور ہیں، وہ کل غیر استعمال شدہ ہو سکتے ہیں۔

4. محدود مفہوم: سلینگ الفاظ کا مفہوم عموماً محدود ہوتا ہے اور انہیں سمجھنے کے لیے مخصوص گروہ یا ثقافت کو جاننا ضروری ہوتا ہے۔

5.مثال نمبر:
– “کول” (cool) کا مطلب اچھا یا شاندار
– “چل” (chill) کا مطلب آرام کرنا یا سکون سے وقت گزارنا
– “لِٹ” (lit) کا مطلب بہت زبردست یا شاندار

سلینگ الفاظ کا استعمال کرتے وقت یہ دھیان میں رکھنا ضروری ہے کہ یہ ہر موقع یا ماحول کے لیے مناسب نہیں ہوتے۔ رسمی یا پیشہ ورانہ مواقع پر ان کا استعمال مناسب نہیں سمجھا جاتا۔

نوٹ : امید ہے کہ آپ سلینگ الفاظ کے بارے میں   تفصیل سے پڑھ چکے ہوں گے ۔ اگر اس پوسٹ میں آپ کو کوئی غلطی نظر آئے یا اس کو مزید بہتر کیسے کیا جائے تو کومنٹس میں ہماری ضرور اصلاح فرمائیں اور اگر اس سے متعلقہ کچھ سمجھ نہ پائیں تو بھی کومنٹس کر کے پوچھ سکتے ہیں ۔

شکریہ