اسم معرفہ اور اس کی اقسام

اسم معرفہ سے کی مراد ہے ؟ اس کی اقسام کی وضاحت مثالوں سے کریں ۔

اسم معرفہ: کسی بھی خاص شخص، خاص جگہ یا خاص چیز کے نام کو اسم معرفہ کہتے ہیں۔ 

جیسے : عادل، مسجد نبوی اور قران مجید وغیرہ۔

اسم معرفہ کی مندرجہ ذیل چار اقسام ہیں:- 1۔ اسم علم 2۔اسم اشارہ 3۔ اسم ضمیر 4۔ اسم موصول

1۔اسم علم : وہ اسم جو کسی خاص شخص کے نام کو ظاہر کرے۔

جیسے:-  شاعر مشرق، قائد اعظم ،مٹھو، ام عمارہ اور ابن قاسم وغیرہ ۔

2۔ اسم ضمیر : وہ اسم جو کسی دوسرے اسم کی جگہ استعمال کیا جائے اسم ضمیر کہلاتا ہے ۔

جیسے:  وہ، ان، اسے، تم، انہیں ،اسے ، اور ہمیں وغیرہ۔

اسم ضمیر کی اقسام:

اسم ضمیر کی درج ذیل تین اقسام ہیں:- 

1۔ ضمیر فاعلی 2۔ ضمیر مفعولی 3۔ ضمیر اضافی

1۔ضمیر فاعلی : 

واحد غائب| وہ – اس

جمع غائب| انہوں

واحد حاضر | تو

جمع حاضر| تو

واحد متکلم| میں

جمع متکلم| ہم

نوٹ :  ان تمام ضمیروں میں” وہ ” کے علاوہ تمام کے ساتھ علامت فاعل” نے” لگے گی۔

جیسے:-  اس نے میچ دیکھا۔ انہوں نے میچ دیکھا۔ تو نے میچ دیکھا۔ تم نے میچ دیکھا۔ میں نے میچ دیکھا۔ ہم نے میچ دیکھا وغیرہ ۔

3۔ضمیر مفعولی: 

واحد غائب|  اسے

جمع غائب| انہیں

واحد حاضر| تجھے

جمع حاضر| تمہیں

واحد متکلم| مجھے

جمع متکلم |ہمیں

نوٹ:  ان ضمیروں کے بعد ہمیشہ “فعل” آتا ہے۔

جیسے:- میں نے اسے دیکھا ۔ میں نے انہیں دیکھا۔ میں نے تجھے دیکھا۔ میں نے تمہیں دیکھا ۔ اس نے مجھے دیکھا اور  اس نے ہمیں دیکھا وغیرہ ۔

3۔ ضمیر اضافی:  وہ ضمیر جو مضاف الیہ بن کر استعمال ہوتی ہے ضمیر اضافی کہلاتی ہے۔

جیسے:  واحد غائب | اس کا

جمع غائب| ان کا

واحد حاضر| تیرا۔ تیری

جمع حاضر| تمہاری یا تمہارا

واحد متکلم| میرا ۔ میری

جمع متکلم| ہمارا ۔ ہماری

3۔ اسم موصول :  وہ اسم جسے کسی جملے کے ساتھ لگائے بغیر اس کے معنی سمجھ میں نہ آئیں  وہ یہ ہیں :- جو، جو کوئی، جس، جسے، جنہوں ،جنہیں ،جو کچھ اور جو کوئی وغیرہ۔

4۔اسم اشارہ :  وہ اسم ہے جس سے کسی چیز کی طرف اشارہ کیا جائے۔  وہ درج ذیل ہیں :- 

یہ( اشارہ قریب)

وہ (اشارہ بعید )