اسم صفت ، اقسام اور درجے

اسم صفت سے کیا مراد ہے ؟ اسم صفت کی اقسام اور درجے بیان کریں ۔

اسم صفت: وہ اسم  نکرہ جو کسی جاندار اور بے جان کی اچھائی یا برائی کو ظاہر کرے۔

جیسے :- خوبصورت ، بدصورت، اچھا ، برا ، لمبا  اور چھوٹا وغیرہ ۔

اسم صفت کی اقسام: 

اسم صفت کی دو اقسام ہیںاور  وہ یہ ہیں :-

1۔صفت اصلی

2۔ صفت نسبتی

1۔صفت اصلی : وہ اسم نکرہ ہے جو کسی بھی زبان میں کسی شخص یا چیز کی اچھائی یا برائی بیان کرنے کے لیے استعمال ہو ۔

جیسے :- نیک، بد، تیز، سست، اونچا اور لمبا وغیرہ ۔

صفت اصلی کے درجے:  اس کے تین درجے ہیں وہ یہ ہیں:-  1۔صفت نفسی 2۔ صفت بعض 3۔ صفت کل

1۔صفت نفسی : وہ اسم صفت ہے جس میں کسی شخص چیز یہ جگہ کی حالت کسی دوسرے اسم سے بغیر مقابلہ کے بیان کی جائے یا تحریر کی جائے ۔

جیسے :- اچھا ،برا ،تیز ،اونچا، لمبا، نیچا اور طویل وغیرہ۔ 

2۔ صفت بعض : وہ اسم صفت ہے جس سے کسی شخص جگہ یا چیز کی حالت خوبی یا برائی کا کسی دوسرے اسم سے تقابل کیا جائے یا تحریری طور پر لکھا جائے۔

جیسے :- اس سے اچھا، بدتر، نیک تر اور بلال سے اونچا وغیرہ ۔

3۔  صفت کل : یہ وہ اسم صفت ہے جس سے کسی بھی شخص جگہ یا چیز کو تمام اسماء سے بڑھا دیا جائے یا کم قرار دیا جائے ۔

جیسے:-  سب سے اونچا، بلند ترین، سب سے خوبصورت اور  کمزور ترین وغیرہ۔ 

2۔ صفت نسبتی :  وہ اسم صفت جو خود تو صفت نہ ہو لیکن محض کسی تعلق یا نسبت کی وجہ سے صفت کے معنی ظاہر کریں صفت نسبتی کہلاتا ہے ۔

جیسے :- عرب سے عربی، پاکستان سے پاکستانی، ہندوستان سے ہندوستانی ، مکہ سے مکی ، مدینہ سے مدنی، لاہور سے لاہوری ، روح سے روحانی ، نور سے نورانی، سنگ سے سنگین، نمک سے نمکین اور رنگ سے رنگین وغیرہ وغیرہ ۔